روزمرہ کے وہ سات ضروری کام، جو سب کو آنے چاہئیں

ہر فن مولا ہر کوئی نہیں ہو سکتا لیکن کچھ کام ایسے ہیں جو سب کو آنے چاہئیں، اگر آپ کو نہیں پتہ کہ وہ کون کون سے ہیں تو ہم بتائے دیتے ہیں۔

الرجل میگزین میں شائع ہونے والی رپورٹ میں کچھ ایسے کاموں کی نشاندہی کی گئی ہے جن کو سیکھنا زیادہ مشکل نہیں تاہم اگر وہ کسی کو نہیں آتے تو انہیں کسی نہ کسی موقع پر مشکلات کا سامنا کرنا پڑ سکتا ہے۔

ہاؤس کیپنگ

یہ ایک وسیع موضوع ہے لیکن اس سے منسلک کچھ باتیں ایسی ہیں جن کا علم ہو تو وقتی پریشانی سے بچا جا سکتا ہے اور کبھی بھی ایسی صورت جب ساتھ کوئی نہ ہو ان کی بدولت اپنا خیال بخوبی رکھا جا سکتا ہے۔ ان میں کمرے کی صفائی ستھرائی سے لے کر استری کرنا، واشنگ مشین کے استعمال کے علاوہ بستر کو آرام دہ بنانے تک کے معاملات شامل ہیں۔ اگر کسی کا خیال ہے کہ یہ مشکل کام نہیں، جب ضرورت پڑے گی کر لوں گا تو ان کو اس وقت ہلکی سی پریشانی ہو سکتی ہے جب انہیں یہ بغیر کسی پریکٹس کے کرنا پڑے۔

کچھ لوگوں کا خیال ہے کہ منجمد کھانے کو کھانے کے قابل بنانا زیادہ مشکل کام نہیں اور ایسا کسی حد ہے بھی، لیکن ضروری نہیں کہ اکیلے رہنے کے دوران آپ فریز چیزیں ہی کھائیں، آپ کو کچھ نہ کچھ پکانا آنا چاہیے، جیسے انڈے بنانا، چائے بنانا اور سالن بنانا۔ اسی طرح اگرچہ روٹی دکانوں سے بھی لی جا سکتی ہے لیکن خود آٹا گوندھ کر بنائی جائے تو اور بھی اچھی بات ہے۔ اس لیے موقع پر ملے تو ایسے کاموں کی مشق کرتے رہا کریں۔

آپ کو یہ جاننے کی ضرورت نہیں ہے کہ آپ کا فون یا کمپیوٹر کیسے کام کرتا ہے لیکن آپ کے پاس اس قدر مہارت ضرور ہونی چاہیے جن کی بدولت بہتر طور پر استعمال کر سکیں اور چھوٹے موٹے مسئلے کو بھی حل کر سکیں۔

آپ کو پتہ ہونا چاہیے کہ فون یا کمپیوٹر پر فائلز کا بیک اپ کیسے بنایا جاتا ہے۔ اسی طرح اگر بھول گئے ہیں تو آپ کے پاس کیا آپشنز ہیں۔ اپنی وائی فائی کو کیسے محفوظ بنانا ہے وغیرہ، ان کی ضرورت کسی بھی وقت پڑ سکتی ہے، اس لیے سیکھ لیجیے۔

درست معلومات

کسی کا خیال ہے گوگل کے پاس ہر بات کا جواب ہے تو ایسا نہیں جبکہ ایسا بھی ہو سکتا ہے کہ آپ موبائل اور لیپ ٹاپ ہوتے ہوئے بھی گوگل تک رسائی کھو دیں۔