لاہور ٹیسٹ: نسیم شاہ کی عمدہ بولنگ، آسٹریلیا کی نصف ٹیم پویلین لوٹ گئی

 لاہور ٹیسٹ: نسیم شاہ کی عمدہ بولنگ، آسٹریلیا کی نصف ٹیم پویلین لوٹ گئی

پاکستان اور آسٹریلیا کے درمیان تین ٹیسٹ میچوں کی سیریز کے آخری میچ میں آسٹریلیا نے پہلے دن کے اختتام تک پانچ وکٹوں کے نقصان پر 232 بنائے ہیں۔

کیمرون گرین 20 اور ایلکس کیری آٹھ رنز کے ساتھ ناٹ آؤٹ ہیں۔

پیر کو لاہور کے قذافی سٹیڈیم میں آسٹریلیا نے ٹاس جیت کر پہلے بیٹنگ کا فیصلہ کیا جو ابتدا میں اس کے حق میں اچھا ثابت نہ ہوا۔ شاہین شاہ آفریدی نے تیسرے ہی اوور میں ڈیوڈ وارنر کو سات اور مارنس لبوشین کو صفر پر پویلین کی راہ دکھا دی۔

اس کے بعد سٹیو سمتھ اور عثمان خواجہ نے اپنی ٹیم کو سہارا دیا۔ دونوں کے درمیان 138 رنز کی شراکت داری بنی جس کے بعد سمتھ 59 رنز بنا کر نسیم شاہ کی گیند پر ایل بی ڈبلیو ہوگئے۔

بدقسمتی سے عثمان خواجہ اپنی سینچری مکمل نہ کر سکے اور 91 رنز پر ساجد خان کی گیند پر بابراعظم کے ہاتھوں آؤٹ ہوئے۔ 

آسٹریلیا کے پانچویں آؤٹ ہونے والے کھلاڑی ٹریوس ہیڈ تھے جو نسیم شاہ کی گیند پر 26 رنز بنا کر پویلین لوٹ گئے۔